संसदीय सुनुवाइ समितिद्वारा प्रस्तावित प्रधानन्यायाधीश विश्वम्भरप्रसाद श्रेष्ठविरुद्ध उजुरी आह्वान

२३ साउन, काठमाडौं । प्रस्तावित प्रधानन्यायाधीश विश्वम्भरप्रसाद श्रेष्ठको संसदीय सुनुवाइका लागि उजुरी आह्वान गरेको छ । सुनुवाइ र अनुमोदन प्रक्रियाका लागि संसदय सुनुवाइ समितिले श्रेष्ठविरुद्ध उजुरी भए १० दिनभित्र समितिमा लिखित रुपमा दिन आह्वान गरेको हो । 

समितिका सभापति ज्येष्ठ सदस्य पशुपति शमसेर जबरा छन् । उनले मंगलबार एक सूचना प्रकाशन गरेर उजुरी आह्वान गरेका हुन् । उजुरी शिष्ट र मर्यादित भाषामा हुनुपर्ने भनिएको छ । 

सर्वोच्च अदालतका वरिष्ठतम न्यायाधीश रहेका श्रेष्ठलाई यही साउन १८ गते संवैधानिक परिषदको बैठकले प्रन्यामा नियुक्तिका लागि सिफारिस गरेको थियो ।

उजुरी परेमा त्यसपछि समितिको बैठकमा सांसदहरुले प्रश्न सोध्ने र श्रेष्ठले जवाफ दिने प्रक्रिया सुरु हुने र पूरा भएपछि नाम अनुमोदन हुने कानूनी व्यवस्था छ । अनुमोदनपछि मन्त्रिपरिषद बैठक निर्णयबाट राष्ट्रपतिबाट प्रन्या नियुक्त हुनेछन् ।

श्रेष्ठले आइतबार नै कायममुकायम प्रन्याको जिम्मेवारी सम्हालिसकेका छन् । प्रन्या हरिकृष्ण कार्की उमेर हदका कारण साउन २० बाट अवकाल भइसकेका छन् ।

यो पनि पढ्नुहोस