कोलम्बिया महिला विश्वकपको क्वार्टरफाइनलमा प्रवेश

२३ साउन, काठमाडौं । अष्ट्रेलियामा जारी खेलमा जमैकालाई पराजित गर्दै कोलम्बिया पहिलोपटक फिफा महिला विश्वकपको क्वार्टरफाइनलमा प्रवेश गरेको छ । 

मंगलबार अष्ट्रेलियाको मेलबर्न रेक्ट्याङगुलर स्टेडियममा भएको खेलमा कोलम्बियाले जमैकालाई १–० गोल अन्तरले हराउँदै अन्तिम ८ मा प्रवेश गरेको हो । खेलको पहिलो हाफ गोलरहित बराबरीमा सकिएको खेलमा दोस्रो हाफमा मात्र कोलम्बियाले गोल गरेको थियो । 

खेलको ५१औं मिनेटमा कप्तान क्याटालिना युस्मीले गरेको गोल नै कोलम्बियाका लागि निर्णायक बन्यो । कोलम्बियालले अब क्वार्टरफाइनलमा शनिबार युरोपियन च्याम्पियन इङल्याण्डको सामना गर्नेछ ।