विराटनगरको एक प्लाष्टिक उद्योगमा भएकाे आगलागीका कारण अझै खुलेन

२४ साउन, काठमाडौं । मोरङको विराटनगर महनगरपालिका–१४ स्थित संचालित एमएम प्लाष्टिक उद्योगमा आगलागी भएको आगलागीबाट झण्डै ३ करोड रुपैयाँको क्षति पुगेको प्रहरीले जनाएको छ । 

उद्योग भवनको भुईँ तलामा रहेको एउटा गोदाममा राति १ बजेतिर आगलागी भएको र यसमा रहेको यूपीएस, ब्याट्री, एसी, इन्भर्टर, केबल जलेर नष्ट भएको प्रहरीले जनाएको छ । 

उद्योगी सुयश प्याकुरेल संचालक रहेको उक्त उद्योगमा के कति कारणले आगलागी भएको हो भन्नेबारे अनुसन्धान भइरहेको छ । राति नै दुई वटा दमकलको सहायताले आगो नियन्त्रणमा लिइएको थियो । 

बीमा रकम दाबीका लागि सुनियोजित रुपमा उद्योग, गोदाममा आगलागी घटना बढेपछि यसतर्फ पनि अनुसन्धान भइरहेको प्रहरीको दाबी छ ।