र्‍यापिड एक्सन टिममाथि प्रशासनले निगरानी सुरु गरेपछि रास्वपा समन्वयको बाटोमा

२४ साउन, काठमाडौं । राष्ट्रिय स्वतन्त्र पार्टी (रास्वपा)ले संचार सेट र क्याकेटसहित सडकमा र्‍यापिड एक्सन टिम (आरएटी) परिचालन गरेको विषया प्रशासनले निगरानी बढाएपछि समन्वयमा जोड दिएको छ । 

मंगलबार चितवनको नाराष्णगढ–मुग्लिन सडक खण्ड अन्तर्गत कालीखोलामा झरेको पहिरो पन्छाउने क्रममा आरएटी र पार्टीको चुनाव चिन्ह छापिएको ज्याकेट र हातमा वाकिटकी (संचार सेट) सहित कार्यकर्ता देखिएपछि प्रशासनले चितवन सीडीओ आदेशमा प्रहरीले निगरानी सुरु गरेको थियो । 

सेटको वैधानिकता जाँच गर्न सीडीओ सुरेन्द्र पौडेलले बुधबार मात्र प्रहरीलाई लिखित निर्देशन दिएका थिए । पहिरो पन्छाउने वा विपदमा उद्धार र सहयोगमा कुनै दल विशेषसँग सहयोग माग नगरेको स्पष्ट पारेका थिए । रास्वपाका महासचिव ढकालले भने पहिरो पन्छाउने कार्यमा आरएटीका सदस्यहरु खटिएको जनाएका थिए । प्रहरीको निगरानी सुरु भएसँगै  रास्वपाका महासचिव मुकुल ढकालले एक प्रेस विज्ञिप्त जारी गर्दै आरएटीका सदस्यहरुलाई स्थानीय प्रशासनसँग समन्वय गरेर मात्र काम गर्न निर्देशन दिएका छन् । 

उनले आरएटी विशुद्ध नागरिकका समस्या समाधान गर्न सहजीकरणका लागि मात्र खटिएको बताएका छन् । उनले स्थानीय निकायको अनुमतिमा मात्र काममा  खटिन समेत निर्देशन दिएका छन् । तर संचार सेटको वैधानिकताबारे भने विज्ञप्ति मौन छ ।