पानी जमेको खाल्डोमा डुबेर २ बालकको मृत्यु

२४ साउन, काठमाडौं । कपिलवस्तु । कपिलवस्तुको कृष्णनगरमा एकै परिवारका २ बालकको डुबेर मृत्यु भएको छ । उनीहरू दाजुभाइ रहेकाे खुलेकाे छ ।

नगरपालिकाको वडा नं. ५ वगहीमा मंगलबार पानी जमेको खाल्डोमा डुबेर स्थानीय ७ वर्षीय साजन यादव र उनका भाइ ५ वर्षीय राजन यादवको मृत्यु भएको इलाका प्रहरी कार्यालय कृष्णनगरले जनाएको छ । 

मंगलबारदेखि हराइरहेका उनीहरुको शव आज बिहान मात्र फेला परेको थियो । दुवै जना बाबुलाई बोलाउन जाने क्रममा हराएका थिए । सडक बनाउने क्रममा खनिएका खाल्डाे बेलैमा नपुर्दा मानवीय क्षति भएकाे भन्दै स्थानीयले आक्राेश पाेखेका छन् ।