रोल्पा बस दुर्घटनाका घाइतेको उपचारमा कुनै कमि हुन नदिन सभापति पुनको आग्रह

२४ साउन, काठमाडौं । नेपाली कांग्रेस लुम्बिनी प्रदेशका सभापति एवं संविधानसभा सदस्य अमरसिंह पुनले रोल्पा बस दुर्घटनाका घाइतेहरुलाई भेटेका छन् । बस दुर्घटनामा घाइते भएकाको उपचार दाङको घोराहीस्थित राप्ती स्वास्थ्य विज्ञान प्रतिष्ठानमा भइरहेको छ ।

अस्पतालमै पुगेर सभापति पुनले मंगलबार त्रिबेणि गाउँपालिका वडा न. ७ रिचि रोल्पामा भएको बस दुर्घटनाका घाइतेहरूलाई भेटी उनीहरूको स्वास्थ्य अवस्था बारे जानकारी लिएको सचिवालयले जनाएको छ । 

दाङको घोराहीस्थित राप्ती स्वास्थ्य विज्ञान प्रतिष्ठानमा बिरामी भेट्न पुगेका सभापति पुनले दुर्घटनामा परि घाइते भएकाहरूको समग्र पछिल्लो स्वास्थ्य बारे चिन्ता र चासो दिँदै उनिहरुको स्वास्थ्य लाभको कामना गरेको सचिवालयले जनाएको छ।  सभापति पुनले बिरामीको उपचारमा कुनै कमि हुन नदिनसमेत अस्पताल प्रमुखलाई आग्रह गरेका छन्।