सिरहामा मिटरब्याजी आरोपमा एक महिला पक्राउ

२५ साउन, काठमाडौं । सिरहामा मिटरब्याजी आरोपमा प्रहरीले २५ वर्षीया सुजाता साहलाई पक्राउ गरेको छ । पीडित स्थानीइ ममतादेवी रायले दिएको उजुरीका आधारमा अनुसन्धानका लागि मिर्चैया नगरपालिका वडा नं. ६ की साहलाई बुधबार साँझ घरबाटै पक्राउ गरेको हो । 

साहलाई जिल्ला अदालतबाट जारी भएको पक्राउ पूर्जी लिएर पक्राउ गरिएको प्रहरीले जनाएको छ छ । मिटर ब्याज अर्थात अनुचित लेनदेन कसुरमा साहमाथि अनुसन्धान हुनेछ । साहमाथि जिल्लाभरबाट दर्ज बढी उजुरी परेको प्रहरीले जनाएको छ ।

साह एमाले निकट व्यवसायी रहेकाे र पार्टीका नेताहरू उनलाई छुटाउन लबिइङमा लागेका पीडितहरूकाे भनाइ छ । सरकारले ल्याएको अनुचित लेनदेन सम्बन्धी कानूनले ऋणमा चर्को ब्याज असुल्ने साहुलाई अनुचित लेनदेनको रुपमा व्याख्या गर्दै कारवाही गरिरहेकाे छ । अनुचित लेनदेन कसुर मधेश प्रदेशमा व्यापक रहेकाे पाइन्छ ।