सीआईबीले सांसद सुनिल शर्मा पक्राउबारे संसद सचिवलयलाई जानकारी गरायो (पत्रसहित)

२५ साउन, काठमाडौं । केन्द्रीय अनुसन्धान ब्यूरो (सीआईबी)ले संसद सचिवालयलाई सांसद सुनील शर्मा पक्राउसम्बन्धी जानकारी गराएको छ ।  सीआईबीका एसपी नवराज अधिकारीले शर्मालाई पक्राउ गरिएको बारे जानकारी समेटिएको पत्र संसद सचिवालय  सिंहदरबारमा बुझाएका छन् । 
 
सांसद पक्राउ गर्दा संसद सचिवालयलाई जानकारी दिनुपर्ने व्यवस्थाअनुसार सीआईबीले जानकारी गराएको हो । शैक्षिक प्रमाणपत्र कीर्ते अभियोगमा सीआईबीको टोलीले सांसद शर्मालाई बिहीबार टोखाबाट पक्राउ गरेको हो । कांग्रेस नेता तथा सांसद समेत रहेका उनीसहित सो अभियोगमा तीन जनालाई पक्राउ गरिएको छ ।