एमालेको अवरोधले आज पनि प्रधिनिधिसभा बैठक चल्न सकेन, अर्को बैठक साउन २९ गते

२६ साउन, काठमाडौं । प्रमुख प्रतिपक्षी एमालेका सांसदहरुको अवरोधका कारण शुक्रबार बसेको प्रतिनिधिसभाको बैठक क्षणिक चलेर स्थगित भएको छ ।

सभामुख देवराज घिमिरेले बैठक सुरु भएको जानकारी गराए लगत्तै एमालेका सांसदहरुले क्विन्टल सुन तस्करी प्रकरणमा उच्च स्तरीय छानबिन समिति गठन नभएसम्म बैठक चल्न नसक्ने भन्दै कुर्सीबाट उठेर विरोध जनाएका थिए । बैठकमा सुरुमा बोल्दै एमाले सांसद ज्वालाकुमारी साहले उच्च स्तरीय समिति गठन नुहँदासम्म बैठक चल्न नदिने विषयमा एमाले अडिग रहेको बताए लगत्तै एमालेका सांसदहरु नाराबाजी गर्दै वेल घेराउमा उत्रिएका थिए । 

त्यसपछि सत्ता पक्षका सांसदहरुले पनि एमालेले बैठकमा पुर्याएको अवरोधको विरोधमा उत्रिए । उनीहरूले बैठकमा उठेर बोल्न समय दिन सभामुखसँग माग गरे । त्यसमा घिमिरेले पालैसँग बोल्न दिने र कुर्सीमा बस्न आग्रह गरेपनि दुवै पक्ष तयार भएनन् । लामाे समयसम्म पनि बस्न तयार नभएपछि सभामुख घिमिरे बैठक यही साउन २९ गते दिउँसो १ बजे बस्ने गरी स्थगित भएको जानकारी दिएका छन् ।

यो पनि पढ्नुहोस