म्युचुअल फण्डलाई दिएको कोटा हटाउँदै धितोपत्र बोर्ड

२६ साउन, काठमाडौं । नेपाल धितोपत्र बोर्डले सामूहिक लगानी कोष (म्युचुअल फण्ड)लाई दिइँदै आएको ५ प्रतिशत कोटा हटाउने भएको छ । म्युचुअल फण्डले बजार विकासमा लक्ष्यअनुसार सहयोग नपुगेको जनाउँदै कोटा हटाउन लागिएको बोर्डले जनाएकाे लगानीकर्तालाई लगानीको वातावरण बनाउन लागि पनि कोटा हटाउनुपर्ने अवस्था आएको बाेर्डकाे दाबी छ ।

नेपाली पुँजी बजारमा म्युचुअल फण्डलाई  एक उपयुक्त लगानी उपकरण मानिन्छ । याे फण्ड दक्ष तथा अनुभवी विशेषज्ञद्वारा सञ्चालन हुने र निकै सुरक्षित तथा लगानीमा हुने जोखिमलाई न्यूनीकरण गर्न सकिने आधारकाे रूपमा लिइन्छ । केही वर्ष यता नेपालमा पनि यस्ता योजनाहरूको संख्या बढिरहेको पाइन्छ ।

यसअघि बोर्डले चालू आवको बजेट निर्माणका क्रममा अर्थ मन्त्रालयलाई म्युचुअल फण्डलाई दिँदै आएको कोटा हटाउन सुझाव दिएको थियो । म्युचुअल फण्ड शेयर बजारमा ज्ञान नभएका लगानीकर्तालाई लगानी सुरुवात गर्ने माध्यमको रुपमा लिइन्छ । यसबाट उनीहरुले सुरक्षित लगानी गर्न सक्छन् । फण्डमा हरेक कम्पनीको प्राथमिक निष्कासनको ५ प्रतिशत शेयर छुट्याइएको हुन्छ । 

नेपाली पुँजी बजारमा रहेका विभिन्न वित्तीय औजारहरूमध्ये एक हो, सामूहिक लगानी कोष (म्युचुअल फण्ड) अन्तर्गत् सञ्चालित योजनाहरू । जसलाई एक उपयुक्त लगानी उपकरणको रूपमा प्रयोग गर्न सकिन्छ । सामूहिक लगानी कोष दक्ष तथा अनुभवी विशेषज्ञद्वारा सञ्चालन हुने र निकै सुरक्षित तथा लगानीमा हुने जोखिमलाई न्यूनीकरण गर्न सकिने हुनाले पनि पछिल्लो केही वर्ष यता नेपालमा पनि यस्ता योजनाहरूको संख्या बढिरहेको पाइन्छ ।

यसैबीच सर्वसाधारणले पाउने न्यूनतम थ्रेस होल्ड भने बढाउने तयारी बोर्डले गरेको छ । ठूल्ठूला कम्पनीले सर्वसाधारणका लागि निष्कासन गर्दै आइरहेको १० प्रतिशतलाई बढाउने तयारी गरेको हो ।