सांसद सुनिल शर्मालाई थुनामा नराखी अनुसन्धान गर्न आदेश (आदेश-पत्रसहित)

२६ साउन, काठमाडौं । कांग्रेस सांसद सुनिल शर्मालाई हिरासतमा थुनामा नराखी अनुसन्धान गर्न जिल्ला अदालत काठमाडौंले आदेश दिएको छ ।

शर्मालाई नेपाल प्रहरीको केन्द्रीय अनुसन्धान ब्यूरो (सीआईबी)ले नक्कली शैक्षिक प्रमाणको कसुरमा बिहीबार दिउँसो पक्राउ गरेको थियो । पक्राउको भोलिपल्ट आज सीआईबीले अनुसन्धानका लागि म्याद थपका लागि काठमाडौं जिल्ला अदालमा पेश गर्दा न्यायाधीश दण्डपाणी शर्माको इजलासले उक्त आदेश दिएको हो ।आदेशसँगै शर्मा आजै सीआईबीको हिरासतमुक्त हुनेछन् ।

नक्कली शैक्षिक प्रमाणपत्र प्रकरणमा पक्राउ परेका अन्य ७ चिकित्सकलाई भने प्रहरीको हिरासतमा राखेर अनुसन्धान गर्न आदेश भएको छ । प्रकरणमा बिहीबार र शुक्रबार गरी शर्मासहित ८ जना पक्राउ परेका थिए ।