वर्षाका कारण अधिकांश काठमाडौंबाहिरका विमानस्थलमा उडान प्रभावित

२८ साउन, काठमाडौं । प्रतिकूल मौसमका कारण मुलुकका अधिकांश विमानस्थलमा उडान प्रभावित बनेको छ । पोखरा, सुर्खेत, तुम्लिङटार, फाप्लु, ताप्लेजुङ, भरतपुर लगायत विमानस्थल आज बिहानबाटै बन्द रहेका छन् ।

धेरै विमानस्थलमा काठमाडौंबाट आजका लागि निर्धारित सबै उडान रद्द भएको त्रिभुवन अन्तर्राष्ट्रिय विमानस्थल कार्यालयले जनाएको छ । वर्षाका कारण माैसम प्रतिकूल बनेकाे र यसबाट उडान रद्द हुन पुगेकाे कार्यालयले जनाएकाे छ ।