चिकित्सक रञ्जित कुमारको शैक्षिक प्रमाणपत्र सक्कली भएको पुष्टि

२८ साउन, काठमाडौं । शैक्षिक प्रमाणपत्र नक्कली भएको आरोपमा पक्राउ परेका चिकित्सक डा. रञ्जितकुमार यादवको शैक्षिक प्रमाणपत्र सक्कली भएको पाइएको छ । 

अनुसन्धानका क्रममा  दिनदेखि प्रहरीको केन्द्रीय अनुसन्धान ब्युरो (सीआईबी)को हिरासतमा रहेका उनी सक्कली चिकित्सक भएको पुष्टि भएका हुन् । महोत्तरीको पिपरा–८ घर भएका उनलाई नक्कली शैक्षिक प्रमाणपत्र कसुरमा अनुसन्धान गर्न सीआईबीको टोलीले गएको बिहीबार काठमाडौंबाट पक्राउ गरेर हिरासतमा राखेर अुनसन्धान गरिरहेको छ । 

शैक्षिक प्रमाणपत्र प्रकरणमा अनुसन्धानका लागि सीआईबीले ‘फोक्सट्रोट चार्ली’ नाम दिएर अपरेशन नै चलाइरहेको छ । डा. यादवको नाम उस्तै नाम गरेका व्यक्तिसँग जुधेको, तर उनको नेपाल मेडिकल काउन्सिलमा बुझाएको प्रमाणसम्बन्धी कागजातका सक्कली पाइएको काउन्सिलले जनाएको छ । आरोपी रञ्जितकुमारको शैक्षिक प्रमाणपत्रका बारेमा सीआईबीलाई पत्र लेखिपठाएको काउन्सिलको भनाइ छ ।

ब्युरोले  ‘फोक्सट्रोट चार्ली’मार्फत नेपाली कांग्रेसका सांसद सुनिल शर्मा सहित ८ जनालाई नक्कली प्रमाणपत्र लिएको आरोपमा पक्राउ गरेको थियो ।

शर्मालाई जिल्ला अदालतको शुक्रबारको आदेशले सीआईबीले तारेखमा थुनाबाहि राखेर अनुसन्धान गरिरहेको छ । अन्य, ७ जना चिकित्सक सीआईबीको हिरासतमा छन् । हाल रञ्जितकुमार डा. अमित चौधरी, डा. रामबाबु यादव, डा. एरिना शाह, डा. श्रद्धा शिल्पकार, डा. मनित चौधरी र डा. पुनम थापा छन् हिरासतमा छ्न् ।