घुस रकम र चेकसहित इन्जिनियर रंगेहात पक्राउ

८ साउन, काठमाडौं । अख्तियार दुरुपयोग अनुसन्धान आयोगको बर्दिवासले धनुषाको सहिदनगर नगरपालिकाका इन्जिनियर रमेशकुमार चौधरीलाई २ जनालाई घुस रकम र चेकसहित रंगेहात पक्राउ गरेको छ । 
बर्दिबासको कार्यालयबाट खटिएको टोलीले चौधरी र सहयोगी गरुदेव यादवलाई आइतबार पक्राउ गरेको कार्यालय प्रमुख रामबहादुर कुरुवाङ्गले जानकारी दिएका छन् । 

गोठकोयलपुरका विद्यालयको पर्खाल निर्माणवापत ठेकेदारसँग पटकपटक रकम माग गर्दै आएको भन्ने सूचनाका आधारमा टोलीले इन्जिनियर चौधरीलाई एक लाख नगद र सोही बराबरको चेक लिएको अवस्थामा पक्राउ गरिएको कार्यालयले जनाएको छ । गरुदेव र रमेशकुमारलाई थप अनुसन्धानका लागि बर्दिबासमा राखिएको छ ।