लतिलानिवास प्रकरणमा पक्राउ परेकामध्ये दुई जना रिहा, बाँकीलाई थप ५ दिन हिरासतमा राख्न अनुमति

३१ साउन, काठमाडौं । बालुवाटारस्थित सरकारी स्वामित्वको ललितानिवास जग्गाको हिनामिना प्रकरणमा सीआईबीले पक्राउ गरेको आरोपीहरुमध्ये दुई जना जिल्ला अदालत काठमाडौंको आदेशमा रिहा भएका छन् ।

हिरासतमा रहेका मालपोत कार्यालयका तत्कालीन प्रमुख धर्म गौतम र समरजंग कम्पनीका पूर्व प्रमुख लोकहरि घिमिरेलाई अदालतले स्वास्थ्यावस्थालाई ध्यान दिँदै मुद्दा पेस गर्दा उपस्थित गराउने गरी रिहा गर्न बुधबार आदेश दिएको हो । उनीहरूलाई अनुसन्धानमा म्याद थप गर्न आज अदालतमा पेश गरिएको थियो । 

अन्य आरोपीहरुलाई भने थप ५ दिनमा हिरासतमा राखेर अनुसन्धान गर्न अदालतले सीआईबीलाई अनुमति दिएको छ । सरकारी कागजात कीर्ते कसुर र संगिठ अपराध मुद्दामा अनुसन्धान गरिरहेको छ । भाटभटेनी सुपरमार्केटका सञ्चालक मीनबहादुर गुरुङ, पूर्व निर्वाचन आयुक्त सुधीरकुमार शाहलगायत हिरासतमा छन् ।

संगठित अपराधमा अनुसन्धान गर्न प्रहरीले आरोपीहरुलाई ६० दिन हिरासतमा राख्न पाउने व्यवस्था छ । पक्राउ परेका मध्ये केहीका ५० दिन पुगेको छ ।