जोखिम बढेपछि सेती नदी किनारामा रहेका स्थानीयलाई सुरक्षित स्थानमा लगियो

३२ साउन, काठमाडौं । अविरल वर्षाका कारण सेती नदी किनारामा जोखिम बढेपछि उक्त स्थानमा रहेका स्थानीय बासिन्दाहरूलाई सुरक्षित स्थानमा स्थानान्तरण गरिएको छ । 

नेपाली सेनाले अन्य निकायको समन्वयमा जोखिममा परेका स्थानीयलाई सुरक्षित स्थानमा स्थानान्तरण गरेको छ । तनहुँ जिल्ला, शुक्लागण्डकी न.पा.–४, पुल्चोकस्थित रहेका ३ वटा घरहरू जमिन भासिएर सेती नदीमा खस्ने जोखिम बढेपछि बुधबार नेपाली सेनालाई उनीहरूलाई सुरक्षित स्थानमा स्थानान्तरण गरेको हो । 

यसको साथै, जोखिममा रहेका घरहरुबाट स्थानीयबासीको लत्ता कपडा, खाद्यान्न तथा भाँडावर्तनले लगायतका सामग्रीहरु समेत सुरक्षित स्थानमा लगिएको छ । ०००