बाँकेमा बसको ठक्करले ५ राँगा मरे, बस चालक पक्राउ

१ भदौ, काठमाडौं । पूर्व–पश्चिम राजमार्गअन्तर्गत बाँकेको राप्ती सोनारी गाउँपालिकामा बसको ठक्करबाट पाँच राँगा मरेका छन् । 

राप्ती सोनारी गाउँपालिका–८ नयाँगाउँ पुलनजिक गएराति करिव ८ः३० बजे नेपालगञ्जदेखि पोखरा जाँदै गरेको ना ६ ख  ६३७८ नम्बर बसको ठक्करबाट पाँच राँगा मरेको कोहलपुरस्थित इलाका प्रहरी कार्यालयले जनाएको छ । 

अन्य दुई राँगा घाईते भएका छन् । ठक्कर दिएर भागेको बसचालकलाई बससहित प्रहरीले नियन्त्रणमा लिएर अनुन्धान गरिरहेको छ । मरेका राँगाको क्षतिपूर्तिबारे बसधनी र किसानबीच छलफल भइरहेको प्रहरीले जनाएको छ ।