प्रस्तावित प्रधानन्यायाधीश श्रेष्ठविरुद्ध कति परे उजुरी ?

३ भदौ, काठमाडौं । प्रस्तावित प्रधानन्यायाधीश विश्वम्भरप्रसाद श्रेष्ठविरुद्ध संसदीय सुनुवाइ समितिमा ३ वटा उजुरी परेका छन् । उजुरीमाथि भोलि सोमबार सुनुवाइ हुने समितिमा ज्येष्ठ सदस्य पशुपति शमसेर जबराले बताए । 

प्रस्तावित प्रधानन्यायाधीश श्रेष्ठविरुद्ध इमेलबाट दुई वटा र पत्रमार्फत् एउटा उजुरी परेको हो । इमेलका उजुरीकर्ता सम्पर्कमा आइसकेका छैनन् ।

सोमबार नै उजुरीकर्ताहरुसँग छलफल हुने र त्यसलगत्तै श्रेष्ठलाई राखेर उजुरीमाथि सुनुवाइ हुने उनले बताए । 
प्रधानन्यायाधीश हरिकृष्ण कार्कीले उमेर हदका कारण गत साउन २० गते अवकाश पाएपछि संवैधानिक परिषदको सिफारिसमा नयाँ प्रधानन्यायाधीश नियुक्ति प्रक्रिया सुरु भएको हो । उजुरीका लागि समितिले १० दिन समय दिएको थियो ।

यो पनि पढ्नुहोस