वडाध्यक्षसहितकाे समूहद्वारा पचरौता नगरपालिकाकी उपमेयरमाथि आक्रमण

३ भदौ, काठमाडौं । बाराको पचरौता नगरपालिकाकी उपमेयर नासिमा खातुनमाथि वडाध्यक्ष जलन्धर सिंह जैसवालले आक्रमण गरेका छन् । वडा नं. २ का अध्यक्ष  जैसवालले शनिबार एक समूहसाथ घरमै गएर खातुन र उनका श्रीमा नेवाजी अन्सारीमाथि आक्रमण गरी कुटपिट गरेका हुन् । 

खातुन दम्पत्ति घाइते भएका छन् । नगरको खेलकुदसम्बन्धी बजेट विषयमा कुटपिट भएको प्रहरीले जनाएको छ । जैसवालले यसअघि पनि खातुनमाथि आक्रमण गरेका थिए । प्रहरीले अहिलेस्म्म घटनामा संलग्न कसैलाई पक्राउ गरेको छैन । कुटपिट गर्नेलाई प्रहरीकै संरक्षण रहेको खातुनको आरोप छ । 

घटनामा संलग्नविरूद्ध प्रहरीमा उजुरी दिने तयारी भइरहेकाे पीडित पक्षले जनाएकाे छ ।