लापरवाहीले बिरामीको ज्यान गएको भन्दै आफन्तले गरे सेती प्रादेशिक अस्पताल घेराउ

४ भदौ, काठमाडौं । सेती प्रादेशिक अस्पतालमा उपचार गराइरहेका बिरामीको मृत्यु भएपछि आफन्तले अस्पताल घेराउ गरेका छन् । सोमबार दिउँसो घरमा बेहोस भएका धनगढी उपमहानगरपालिका–१० बस्ने ४० वर्षीय अरूणकुमार रानाको उपचारका क्रममा मृत्यु भएकोा थियो । 

आफन्तले अस्पतालको लापरवाहीले रानाको मृत्यु भएको भन्दै अस्पताल घेराउ गरेका हुन् । अहिले झडपको अवस्था बढेको र बाक्लो संख्यामा सुरक्षाकर्मी परिचालन गरिएको छ ।  अस्पताल घेराउ गरेका छन् ।
बेहोस अवस्थामा अस्पताल ल्याइपुर्याएका रानालाई इमर्जेन्सीले ओपीडी वार्डमा पठाएको र त्यसक्रममा मृत्यु भएको आफन्तको भनाइ छ । इमर्जेसी कक्षमा डाक्टर निकै ढिला आएका कारण बिरामीको ज्यान गएको मृतकका परिवारका सदस्यहरुले बताएका छन् । 

घटनाको निष्पक्ष छानबिन गरेर अस्पतालाई कारवाही नभएसम्म शव नबुझ्ने र घेराउ जारी रहने उनीहरुले बताएका छन् । प्रादेशिक अस्पताल मेडिकल सुपरिटेन्डेन्ट डाक्टर हेमराज पाण्डेले भने घटनाबारे बुझ्नेकाम भइरहेको बताए ।