त्रिशुली बस दुर्घटनाका घाइतेलाई निःशुल्क उपचार गर्न सांसदहरूले गराए सरकारकाे ध्यानाकर्षण

६ भदौ, काठमाडौं । बुधबार बिहान त्रिशुली नदीमा यात्रुवाहक बस खसेर भएका घाइतेहरुको निःशुल्क उपचार गर्न सांसदहरुले माग गरेका छन् ।

नयाँ बनेश्वरस्थित संसद भवनमा जारी प्रतिनिधिसभाको जारी बैठकमा दलीय आधारमा विशेष समयमा बोल्ने सांसदरुले घाइते निःशुल्क उपचार, शीघ्र उद्धार गर्न र मृतकका परिवारलाई उचित क्ष्ाितपूर्ति गर्न सरकारको ध्यानाकर्षण गराएका छन् । 

सांसद योगेश भट्टराई, देवेन्द्र पौडेल लगायतले बस दुर्घटनाको अध्ययन र आगामी दिनमा सवारी दुर्घटना रोक्ने उपायबारे नीतिगत सुधारका लागि गहृमन्त्रीको गम्भीर ध्यानाकर्षण गराए ।  

काठमाडौंबाट पोखरातर्फ गइरहेको धवलागिरी यातायातको प्रदेश ३-०१-००५ ख ९९५२ नम्बरको बस धादिङको गजुरी नजिकै दुर्घटना हुँदा ८ जनाको मृत्यु भएको थियो । १७ जना घाइते भएका छन् । गम्भीर घाइते १३ जनालाई थप काठमाडौं ल्याइएको छ ।

यो पनि पढ्नुहोस