कोशी प्रदेशसभाको चालु अधिवेशन अन्त्य, सरकारविरूद्धकाे रिटमा सुनसवाइ हुँदै

७ भदौ, काठमाडौं । कोशी प्रदेशसभाको चालु  तेस्रो अधिवेशन बिहीबारदेखि अन्त्य भएको छ । मुख्यमन्त्री उद्धव थापाको सिफारिसमा प्रदेश प्रमुख पर्शुराम खापुङ्गले प्रदेशसभाको चालु तेस्रो अधिवेशन अन्त्य भएको सूचना जारी गरेका छन् । 

यता, मुख्यमन्त्री थापाले भदौ ४ मा लिएको विश्वासको मत प्रक्रियाविरुद्ध प्रमुख प्रतिपक्षी दल नेकपा (एमाले)लेका हिक्मतकुमार कार्कीले दायर गराएको रिट निवेदनमाथि आजै सुनुवाइ हुँदैछ । मत लिने क्रममा प्रदेशसभाको अध्यक्षता गरिरहेका इस्राइल मन्सुरीले मतदान गरेको र सो मतदान संविधान विपरीत भएको भन्दै कार्कीले बुधबार सर्वोच्च अदालतमा रिट ििनवेदन दिएका थिए ।

सो रिटमाथि आज न्यायाधीश ईश्वरप्रसाद खतिवडाको एकल इजलासमा हुँदैछ । रिटमा कार्कीले थापा नेतृत्वको सरकार अवैधानिक रहेको र बदर गरेर संविधानको धारा १६८ को ३ बमोजिम प्रदेशसभाका सबैभन्दा ठूलो दल एमालेको नेतृत्वमा सरकार गठन गर्ने परमादेश माग गरिएको छ ।