हिमालयन एभरेष्ट इन्स्योरेन्सको ६७ हजार ४८१ कित्ता संस्थापक शेयर बिक्रीमा

७ भदौ, काठमाडौं । हिमालयन एभरेष्ट इन्स्योरेन्सले ६७ हजार ४८१ कित्ता संस्थापक शेयर बिक्रीमा ल्याएको छ । यसमा कम्पनीका संस्थापक शेयरधनीले आवेदन दिन सक्नेछन् । शेयरको मूल्य प्रतिकित्ता २०० रुपैयाँ तोकिएको छ ।

शेयर खरिद गर्न इच्छुक संस्थापक सेयरधनीले ३५ दिनभित्र कम्पनीको केन्द्रीय कार्यालय थापागाँउ, काठमाडौंमा के कति शेयर खरिद गर्ने सोको व्यहोरा खुलाई शिलबन्दी निवेदन पेश गर्नुपर्नेछ । 

तोकिएको समयमा संस्थापक शेयरधनीबाट शेयर खरीद गर्न निवेदन नआएमा प्रचलित कानुन बमोजिम अन्य लगानीकर्तालाई शेयर बिक्री गर्ने कम्पनीले जनाएको छ ।