मुख्यमन्त्री थापाले लिएको विश्वासको मत संविधान विपरीत रहेको सर्वोच्चकाे ठहर (आदेशसहित)

७ भदौ, काठमाडौं । सर्वोच्च अदालतले कोशी प्रदेश सरकारका मुख्यमन्त्री उद्धव थापाले भदौ ४ गते प्रदेशसभाबाट लिएको विश्वासको मत संविधानसम्मत नभएको ठहर गरेको छ ।

एमालेका नेता एवं मुख्यमन्त्री हिक्मतकुमार कार्कीले बुधबार दारय गराएको रिट निवेदनमाथि न्यायाधीश ईश्वरप्रसाद खतिवडाको एकल इजलासमा बिहीबार सुनुवाइपछि थापाले प्राप्त गरेको ४७ मत संविधानसम्मत नरहेको ठहर गरेको छ । 

साथै थापा नेतृत्वको सरकारले दीर्घकालीन असर पर्ने किसिमका कुनै पनि नीतिगत निर्णयहरू समेत नगर्न नगराउन आदेश भएको छ । रिटको टुंगो लगाउन यही भदौ १५ गते अन्तिम सुनुवाइ हुने पनि आदेशमा उल्लेख छ ।