बर्दिबासमा जीपको ठक्करबाट मोटरसाइकल चालकको मृत्यु

८ भदौ, काठमाडौं ।  महोत्तरीमा जीपको ठक्करबाट मोटरसाइकल चालकको मृत्यु भएको छ । दुईजना घाइते भएका छन् । पूर्वपश्चिम महेन्द्र राजमार्गअन्तर्गत महोत्तरीको बर्दिबास नगरपालिका–१० लक्ष्मीनियास्थित प्र २–००१च १२३१ नम्बरको जीपले प्र २–०२–००६ प ३४७८ नम्बरको मोटरसाइकललाई गएराति ठक्कर दिँदा मोटरसाइकल चालक गौशाला नगरपालिका–८ का ५१ वर्षीय भुवन ग्रान्जाको मृत्यु भएको प्रहरीले जनाएको छ ।

गम्भीरु घाइते अवस्थामा उद्धार गरी बर्दिबासस्थित ट्रमा सेन्टरमा पुर्याई उपचार गराउने क्रममा मृत्यु भएको इलाका प्रहरी कार्यालय बर्दिवासले जनाएको छ । 

दुर्घटनामा सोही ठाउँका ५० वर्षीय वीरबहादुर मगर र  गौशाला–१२ का ३५ वर्षीय आयुषमान लामाको उपचार भइरहेको छ । लामो काठमाडौं तथा मगरको बर्दिबास ट्रमा सेन्टरमा उपचार भइरहेको छ । 

मृतक ग्रान्जाको शव पोष्टमार्टमका लागि प्रादेशिक अस्पताल जनकपुर पठाइएको छ । ठक्कर दिने जीप र र जीप चालकलाई प्रहरीले नियन्त्रणमा लिएर अनुसन्धान गरिरहेको छ ।