देश कठिन मोडमा छ, प्रमुख दलहरु मिलेर जाँऊः ओली

८ भदौ विराटनगर । नेकपा एमालेका अध्यक्ष केपी शर्मा ओलीले देश कठिन परिस्थितिमा गुज्रन पुगेको भन्दै केहि समय जिम्मेवार दलहरु मिलेर काम गर्न आवश्यक भएको बताएका छन् । उनले सवैतिबाट देश कठिन मोडतर्फ धकेलिन पुगेको भन्दै उनले प्रमुख दलहरु नमिले स्थिति विग्रने अवस्थामा पुगेको बताएका छन् । 

शुक्रबार मोरङको विराटनगरमा आयोजित पत्रकार भेटघाटमा ओलीले देशलाई कठिन परिस्थितिमा पुग्नबाट बचाएर आर्थिक विकास र सुशासनका विषयलाई अगाडी बढाउन दलहरुले एकअर्कामा दोष देखाएर नभइ राजनीतिक शक्तिहरु मिलेर जानुपने बताए । अरु नमिले पनि प्रमुख जिम्मेवार राजनीतिक दलहरु मिलेर जिम्मेवारीका साथ अगाडि नगए परिस्थितिले कोल्टे मोड लिने बताए । 

आर्थिक विकास र सुशासनका लागि प्रमुख राजनीतिक दलहरु मिलेर अगाडि बढ्नुपर्ने बताएका ओलीले कांग्रेस र एमाले मिल्न नसकेको अवस्थामा दल मिल्नुपर्ने परिस्थिति खडा हुँदै गएको बताएका हुन् ।  उनले भने, ‘प्रणालीको रक्षा, देशको विकास, संविधानको रक्षा, अनियमितता, वेथिति, भ्रष्टाचार, तस्करी नियन्त्रण र आर्थिक विकासका लागि प्रमुख राजनीतिक दलहरु मिल्नुपर्छ ।’ ओलीले भने, एमालेको मान्यता यही हो ।

ओलीले कोशी प्रदेशमा असंवैधानिक काम भइरहेको भन्दै अब आफ्नो दलको सरकार बन्ने दाबी गरे । ओलीले सत्ता गठबन्धनको अलोकतान्त्रिक र असंवैधाािनक क्रियाकलापका कारण कोशीमा अस्थिरता आएको बताए । सत्ता पक्षले नबनेको सरकार बनायो, सभामुखलाई राजीनामा गर्न लगाउने जस्ता काम भएको भन्दै ओलीले कांग्रेस जस्तो पुरानो पार्टीले एकछिनका लागि बलजफ्ती गरेर संविधान मिच्ने गर्नु गलत भएको बताए । ?

हिजो हतियार उठाएर हिँडेको माओवादीले संविधान नमान्नु ठूलो विषय नभएको बताउँदै उनले कांग्रेसले नबुझ्नु दुखद भएको बताए । सरकार चलाउन ४७ बहुमत पुर्याउन एमाले सक्षम रहेको उनको भनाइ छ । गिरिबन्धु टि स्टेट जग्गा प्रकरणबारे सोधिएको अर्को जिज्ञासामा ओलीले त्यसलाई ‘चिल आयो, चिल आयो भनेर कुखुरा चोर्ने तरीका’ भनेर टिप्पणी गरे ।