पूर्व पुगेर काठमाडाैं फर्किएका खेलकुदमन्त्री लिम्बूलाई डेंगु संक्रमण पुष्टि

१० भदौ, काठमाडाैं । युवा तथा खेलकुदमन्त्री डिगबहादुर लिम्बूलाई डेंगु संक्रमण पुष्टि भएको छ । शुक्रबार साँझ एक्कासी ज्वरो आएर डेंगु संक्रमण देखिएपछि उपचारका लागि वीर अस्पताल भर्ना भएका मन्त्री लिम्बूलाई परीक्षणका क्रममा डेंगु पुष्टि भएको उनका स्वकीय सचिव रोशन राईले जानकारी दिए ।

मन्त्री लिम्बू केही दिन पहिले मोरङका विभिन्न डेंगु प्रभावित क्षेत्रमा स्वास्थ्य सामग्री प्रदान गरी काठमाडौं फर्किएका थिए । वीर अस्पतालमा भर्ना भएका मन्त्री लिम्बूलाई डा. ध्रुव गैरे नेतृत्वको टोलीले उपचार गरिरहेको छ । मन्त्री लिम्बूलाई भेट्न शनिबार साँझ स्वास्थ्य तथा जनसंख्यामन्त्री मोहनबहादुर बस्नेत वीर अस्पताल पुगेका थिए ।

उनले मन्त्री लिम्बूको स्वास्थ्य अवस्थाबारे चिकित्सकसँग जानकारी लिएको मन्त्री बस्नेतका प्रेस संयोजक रामचन्द्र दुलालले जानकारी दिए । लिम्बूलाई स्वास्थ्यमन्त्री मोहनबहादुर बस्नेतले अस्पताल पुगेर स्वास्थ्यावस्थाबारे जानकारी लिएका छन् ।