ओम्नी र गिरिबन्धु टी स्टेट प्रकरणमा सघाउन एमाले तयार छ : सांसद न्यौपाने
नेपालबहस संवाददाता
भदौ १०, २०८० आइतबार १४:११:४३
१० भदौ, काठमाडौं । प्रमुख प्रतिपक्षी दल नेकपा (एमाले)की सांसद भगवती न्यौपानेले स्वास्थ्य सामाग्री खरिदमा भएको ओम्नी प्रकरण र झापाको गिरिबन्धु टी स्टेटको जग्गा हिनामिना प्रकरणमाथि छानबिनका लागि सरकारलाई सघाउन एमाले तयार रहेको बताएकी छन् ।
आइतबार राष्ट्रियसभाको बैठकको विशेष समयमा दलको तर्फबाट धारणा राख्दै सांसद न्यौपानेले अहिलेका सरकार बस्ने मान्छे र सरकारमा आवद्ध रहेका दलहरु एमालेलाई विभिन्न प्रकरणमा मुछ्न र बदनाम गराउन लागिपरेको आरोप समेत लगाइन् ।
उनले विश्वव्यापी चलेको कोभिड १९ महामारी चलिरहेको समयमा एमाले नेतृत्वको सरकारले ओम्नी लगायन केही निजी कम्पनीलाई कोभिड विरुद्धको खोप र सुरक्षाका सामाग्री ल्याउन दिएको र त्यसमा भएको भनिएको भ्रष्टाचारमा एमालेका कुनैपनि नेता कार्यकर्ता संलग्न नरहेको बताइन् । ‘ओम्नी प्रकरणमा छानबिन गरौं एमाले भनिरहेकै छ’ उनले भनिन्, ‘तर सरकार आफ्नो गल्ती र भ्रष्टाचार लुकाउन भ्रष्टाचार काण्ड छानबिनमा एमालेले अवरोध गरिरहेको भनिँदैछ, त्यसमा सत्यता छैन ।’
यस्तै उनले झापाको गिरिबन्धु टी स्टेटको जग्गा सट्टा भर्नामा तत्कालीन एमाले नेतृत्वको सरकारको पालामा भएपनि भ्रष्टाचार नभएको दाबी गरिन् । ‘लौ गरौं न त गिरिबन्धु टी स्टेटको जग्गाको विषयमा छानबिन’ उनले प्रश्न गरिन्, ‘के सरकार तयार छ त ?’ सरकार पक्षका सांसदहरुले भने एमाले अध्यक्ष केपी शर्मा ओली नेतृत्वका सरकारले भूमि व्यवस्था मन्त्री एमालेकै भएका बेला व्यक्तिलाई बिक्री गर्न गलत तवरले कानून संशोधन गरेर गिरिबन्धुको ३४२ बिगाह जग्गा हिनामिन गरेको बताउँदै छानबिनको माग गर्दै आइरहेको छ ।
यस्तै, निजी क्षेत्रको कम्पनी ओम्नीले कोभिड महामारीकालमा एमाले नेतृत्वको पालामा ‘डारेक्ट’ विधिबाट विदेशमा स्वास्थ्य सामाग्री खरिद गरेर करोडौं भ्रष्टाचार गरेको र त्यसमा एमालेका जिम्मेवारी नेताहरु संलग्न रहेको भन्दै ओम्नीमाथि छानबिन गर्नुपर्ने सरकार पक्ष सांसदहरुले माग गर्दै आइरहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआयुर्वेद औषधालयमा बिरामीलाई चौबिसै घण्टा सेवा
बैशाख १२, २०८१ बुधबार
आजदेखि भिटामिन ए खुवाइँदै
बैशाख ६, २०८१ बिहिबार
अनलाइन फार्मेसी बन्द गर्न विभागको निर्देशन
चैत १४, २०८० बुधबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
जेठ ८, २०८१ मंगलबार
उपप्रधानमन्त्री रघुवीर महासेठको सम्पत्ति दुई वटा घरसहित २ करोड नगद, ४३ तोला सुन
जेठ ८, २०८१ मंगलबार
मन्त्रिपरिषदका सदस्यको सम्पती विवरण, अधिकांशको सम्पत्तीमा श्रीमती हावी
जेठ ८, २०८१ मंगलबार
काठमाडौंका एक लाख २५ हजार बालबालिकालाई ‘आईपीभी’ खोप लगाइने
जेठ ८, २०८१ मंगलबार
गण्डकीको सरुवा रोग अस्पताल भवन निर्माण सुस्त
जेठ ८, २०८१ मंगलबार
राष्ट्रपति रायसीको अन्त्येष्टि समारोह सुरु
जेठ ८, २०८१ मंगलबार
नारायणकाजीको सम्पत्ति एक लाख २२ हजार बैंकमा, गाडी प्रचण्डले दिएको
जेठ ८, २०८१ मंगलबार