इन्जिनियरिङ शिक्षामा गरिएकाे शुल्क वृद्धि खारेजीका लागि समाजवादी मोर्चाका विद्यार्थीहरू आमरण अनसनमा

१० भदौ, काठमाडौं । त्रिभुवन विश्वविद्यालय इन्जिनियरिङ अध्ययन संस्थानले स्नातक तहको अध्ययनमा हालै गरेकाे चर्काे​​​​ शुल्क वृद्धिको विरुद्ध समाजवादी मोर्चा निकटका विद्यार्थीहरू आमरण अनसन सुरु गरेका छन् । 

वृद्धि शुल्क फिर्ताको माग राख्दै आइतबारदेखि पुल्चोकस्थित इन्जिनियरिङ अध्ययन संस्थान (आइओई)को डीन कार्यालयमा आइतबार आमरण अनसन सुरु गरेका हुन् ।

अखिल (क्रान्तिकारी) केन्द्रीय उपाध्यक्ष केशव रावल, समाजवादी विद्यार्थी युनियनका केन्द्रीय उपमहासचिव रसना यादव र अखिल (क्रान्तिकारी) का केन्द्रीय सदस्य प्रेम सिंहले ब्यानगर टाँगेर आमरण अनशन सुरु गरेका छन् ।

इन्जिनियरिङ शिक्षा अध्ययनमा स्नातक तहका लागि तीन लाख १८ हजारबाट बढाएर ७ लाख ७७ हजार पुर्‍याइएको छ । यसबाट विद्यार्थी आक्रोशित बनेका छन् । कांग्रेस निकट विद्यार्थी संगठन नेविसंघका विद्यार्थीहरुले आजै वृद्धि शुल्क फिर्ताको माग गर्दै प्रधानमन्त्री निवास बालुवाटार क्षेत्रमा प्रदर्शन गरेका छन् । शुल्क फिर्ता नभएसम्म आन्दोलन नरोकिने उनीहरुले बताएका छन् ।

समाजवादी मोर्चा माओवादी केन्द्र, जनता समाजवादी पार्टी, एकीकृत समाजवादी र विप्लव नेतृत्वको नेकपा सम्मिलित केही समयअघि मात्र गठन भएको चार दलीय मोर्चा हो । पछिल्लो समयमा मोर्चाले भ्रष्टाचार, तस्करी, विकृति तथा शैक्षिक संस्थामा हुने गरिएको मनपरी गतिविधिविरुछ संघर्ष गर्दै आइरहेको छ । मोर्चाले देशभर सन्देश सभा गरिरहेको छ । भोलि १२ गते लुम्बिनी प्रदेशको बुटवलमा सन्देशसभा गर्दैछ ।

यो पनि पढ्नुहोस