अरूको धर्मलाई आँच नपुग्ने गरी धर्म मान्ने स्वतन्त्र सबैलाई छ : प्रधानमन्त्री

१२ भदौ, काठमडौं । प्रधानमन्त्री प्रचण्डले अरुको धर्मलाई चोट नपुग्ने गरी कुनैपनि धर्म मान्ने अधिकार सबै नागरिकलाई भएको बताएका छन् । मंगलबार प्रतिनिधिसभा बैठकमा सांसदहरुले सोधेका प्रश्नको जवाफ दिँदै प्रधानमन्त्री प्रचण्डले धर्म मान्ने स्वतन्त्रता नागरिकमा भएको तर अरुको धर्ममा ठेस वा अपमान पुग्ने क्रियाकलाप छुट नरहेको बताए । 

धरानमा केही हप्तापहिले भएको गाई काटेको भनिएको घटना लक्षित प्रश्नतमा प्रधानमन्त्रीले एउटा धर्म मान्नेले अरु मान्नेको आस्था र विश्वासमा चोट पुग्न नदिने सरकार दृढ रहेको बताए । 

कुनैपनि धर्मको नाममा फरक धर्मावलम्बीलाई असर पुग्ने गतिविधि रोक्न सम्बन्धित निकायलाई स्पष्ट निर्देशन दिइसकेको उनले बताए ।