सिन्धु मल्ललाई पनि अष्ट्रेलियाले दिएन भिसा

१३ भदौ, काठमाडौं । गायिका सिन्धु मल्ललाई अष्ट्रेलियाले भिसा दिन अस्वीकार गरेको छ । तीज कार्यक्रमका लागि त्यहाँ जान उनलाई अष्ट्रेलियाले भिसा दिन अस्वीकार गरेको सिन्धुले फेसबुकमार्फत जानकारी दिएकी छन् ।

भिसा नदिएका कारण आफ्नो सबै कार्यक्रम रद्द भएको जनाएकी छन् । उनले कुनै कलाकारले गरेका गलत काममा असर सच्चा कलाकारलाई परेको बताएकी छन् । कार्यक्रममा सहभागी हुन नसकेका उनले दर्शकसँग क्षमा समेत मागेकी छन् । 

‘कोहि पनि कलाकारले मानव तस्करि गर्ने र गैरकानुनी रुपमा लुक्ने  कार्य नगर्नु होला । यसको असर अन्य सच्चा कलाकारहरुलाई पर्दो रहेछ’ उनले लेखेकी छन् ।

गत हप्ता मात्र गायिका समीक्षा अधिकारी अष्ट्रेलियामा सांगीतिक प्रस्तुतिका लागि जान भिसा निवेदन दिँदा अष्ट्रेलियन एम्बेसीले अनुमति दिएको थिएन । त्यसमा समीक्षाले यसअघि जाँदा १८ वर्षभन्दा कम रहेको जनाउँदै केयर टेकेर रुपमा लिएर गएकी व्यक्तिलाई सँगै नेपाल फिर्ता नल्याएको कारण जनाइएको थियो ।