पेप्सीकोला सवारी दुर्घटनामा मृत्यु हुनेको संख्या २ पुग्यो

१७ भदौ, काठमाडौं । आज बिहान करिब ७ बजेतिर पेप्सीकोलामा बस र जीप ठोक्किएर बस पल्टिँदा भएको दुर्घाटनामा मृत्यु हुनेको संख्या २ पुगेको छ । बस पल्टिएर स्कूटर र मोटरसाइकललाई गम्भीर क्षति पुगेको थियो । 
मोटरसाइकलका २ र स्कूटरका २, जीपका समेत गरी ७ जना घाइते भएका थिए । उपचारका क्रममा स्कूटरमा सवार सशस्त्र प्रहरी जवान उषा थापाको मृत्यु भएको छ । उनी सशस्त्र प्रहरी बल  नम्बर २० विपद् उद्धार उपत्यका गण (सिनामंगल) मा कार्यरत थिइन् ।

यसअघि मोटरसाइकलमा सवार सर्लाही शान्तिटोल–१ का २८ वर्षीय राज भट्टराईको मृत्यु भएको थियो । माेटरसाइकल र स्कूटर क्षतिग्रष्त भएका छन् ।

यो पनि पढ्नुहोस

जडीबुटीबाट पेप्सीकोलातर्फ जाँदै गरको बा३ख ४८४८ नम्बरको बस र विपरीत दिशाबाट आउँदै गरेको बा ६ च ५३४२ नम्बरको बोलेरो जिप एक आपसमा ठोक्किंदा बस पल्टिएर कुल्चिँदा बागमती प्रदेश ०२ प ५३११ नम्बरको स्कुटर र बागमती प्रदेश ०२ प ४८३८ नम्बरको मोटरसाइकल कुल्चिएको थियो ।