पश्चिम सेतीको विस्तृत अध्ययन गर्न भारतीय टोली पुग्यो आयोजना स्थल

१७ भदौ, काठमाडौं । राष्ट्रिय गौरवको ७५० मेगावाट विद्युत उत्पादन क्षमताको पश्चिम सेतीको विस्तृत अध्ययन गर्न भारतीय टोली आयोजना स्थलमा पुगेको छ । भारतको सरकारी कम्पनी एनएचपीसीका प्रतिनिधि टोली प्राविधिकसहित पश्चिम सेती निर्माण स्थलमा पुगेको हो । 

यसअघि चिनियाँ कम्पनी थ्री गर्जेजले ठेक्का पाए पनि लगानी जुटाउन आलटाल गरेपछि यसअघि देउवा सरकारले भारतीय कम्पनीलाई दिने निर्णय गरेको थियो । एनएचपीसीले करिब ४० किमीको फरमा पश्चिम सेती र एसआर सीक्स जलविद्युत आयोजना बनाउने जिम्मा पाएको छ । पश्चिम सेती करिब डेढ अर्ब र एसआर सिक्स ९० करोड डलर लगानीमा बन्ने दाबी गरिएको छ । 

पश्चिम सेतीमा ६ वटा जलविद्युत आयोजना बन्ने राष्ट्रिय लगानी बोर्डले जनाएको छ । पहिले पश्चिम सेती र ४५० मेगावाटको सेती ६ नामक आयोजना बन्ने दाबी गरिएको छ । आयोजनाको विकास गर्न वातावरणसहितका अद्यावधिक अध्ययन गर्न दुई वर्षको समय सीमा तोकिएको छ ।

गौरवका आयोजना भारतीय कम्पनीलाई दिँदा लामो समय ओगटेर मात्र राख्ने र म्याद थप गराउन ठूलो रकम चलखेल गर्ने काम हुने गरेको भन्दै स्थानीय र विभिन्न राजनीतिक दलहरूले विरोध गर्दै आइरहेका छन् । माथिल्लो कर्णालीमा भारतीय कम्पनी जीएमआरले २२ वर्षदेखि म्याद थप गर्दै ओगटेर बसेको छ ।

यस्तै अरुण तेस्रोमा भाररतका कम्पनीले यस्तै व्यवहार देखाउँदै आएको छ । ठूला आयोजना सरकार आफैंले लगानी जुटाएर बनाउनु पर्ने सुझाव विज्ञहरुको छ ।