बर्दिया कारागारबाट भागेका कैदीबन्दी अझै भेटिएनन्, छानबिन समिति गठन

१८ भदौ, काठमाडौं । कर्तव्य ज्यान मुद्दामा जिल्ला अदालत बर्दियाबाट दोषी ठहर भई ३० वर्षे सजाय भुक्तान गरिरहेको अवस्थाबीच गुलरियास्थित कारागारबाट भागेका कारागारका भाइ नाइकेसमेत रहेका कैदी बन्दी अजित बुढाक्षेत्री अझै पक्राउ पर्न सकेका छैनन् । 

उनी शनिबार राति अन्य कैदीहरु निद्रामा परेको मौका पारेर १६ फिट हग्लो पर्खाल नाघेर भागेका थिए । ३० वर्षीय अजित २०७१ चैतमा ठाकुरबाबा नगरपालिका–८ का छिमेकी ६९ वर्षीय छिमेकी जोरासिंह थापाको हत्या गरेको गरेको मुद्दामा सजाय काटिरहेका थिए । 

पर्खाल नाघेर भागेको घटनामा छानबिन गर्न बर्दियाका सहायक प्रमुख जिल्ला अधिकारी मोहनप्रसाद अर्यालको संयोजकत्वमा पाँच सदस्य छानबिन समिति गठन गरिएको छ ।

समितिको सदस्यमा जिल्ला प्रहरी प्रवक्ता डिएसपी हिक्मतबहादुर बोहोरा, प्रहरी वरिष्ठ नायब निरीक्षक प्रदीप कार्की, जिल्ला प्रशासनका प्रशासनिक अधिकृत लोकप्रसाद ढकाल र अनुसन्धान विभागका अधिकृत गोपाल थापा रहेका छन् । 

फरार क्षेत्रीकाे खाेजीका लागि प्रहरीले तालिम प्राप्त कुकर परिचालन गरेकाे छ । सीमा नाकामा कडा चेकजाच जारी राखेकाे छ ।