त्रिशूली नदीमा खसेको कारका चालक सकुशल

२० भदौ, काठमाडौं । बुधबार बिहान त्रिशूली नदीमा खसेको कारका चालक बाँच्न सफल भएका छन् । आज बिहान करिब २ बजेतिर सिमराबाट काठमाडौं आइरहेको ना ४ च ६५१४ नम्बरको कार अनियन्त्रित भई सडकबाट १२० मिटर तल त्रिशूली नदीमा खसेको थियो । 

कार नदी खस्ने क्रममा चालक बाराको सिमरा उपमहानगरपालिका-११ बस्ने २३ वर्षीय प्रविन गौतम बाँच्न सफल भएका हुन् । उनी कार खस्ने क्रममा ढोकाबाट बाहिर उछिट्टिएका थिए । उनी सकुशल रहेका छन् ।

धादिङको इलाका प्रहरी कार्यालय बेनिघाटले घटनाबारे गौतमलाई नियन्त्रणमा लिएर अनुसन्धान गरिरहेको जनाएको छ । कारमा चालक मात्रै सवार रहेको खुलेको प्रहरीले जनाएको छ ।