निजामती विधेयकलाई कर्मचारीमैत्री बनाउन कर्मचारी युनियनको माग, संशाेधन नगरिए सिंहदरबारभित्रै आन्दोलन गर्ने चेतावनी

२२ भदौ, काठमाडौं । निजामती कर्मचारी युनियनले सरकारले ल्याउन लागेको निजामती सेवा सम्बन्धी विधेयकलाई कर्मचारीमैत्री बनाउनमा माग गरेका छन् ।

शुक्रबार सिंहदरबारमा २०औं निजामती सेवा दिवसको अवसरमा सिंहदरबारमा आयोजित कार्यक्रममा बोल्दै निजामती कर्मचारी युनियनका वरिष्ठ उपाध्यक्ष उत्तमकुमार कटुवालले संघीय निजामती ऐन कर्मचारीमैत्री नआए सिंहदरबारभित्रै आन्दोलन गर्ने चेतावनी दिए । 

उनले सरकार संसदमा पेस गर्ने तयारी गरेको विधेयकमा संघ, प्रदेश, स्थानीय तीन तहमै फराकिलो वृद्धि विकासलगायत पक्ष नसमेटिएको बताए । प्रधानमन्त्री, सामान्य प्रशासनमन्त्री र मुख्यसचिव समेत सहभागी रहेको कार्यक्रममा कटुवालले संघीय निजामती सेवा विधेयकमा त्रुटीपूर्ण बुँदाहरु संशोधन गरेर यदि निजामती मैत्री ऐन नआए सिंहदरवारभित्रैबाट आन्दोलन सुरु हुने चेतावनी दिए ।

सरकारले शुक्रबार २०औं निजामती सेवा दिवस मनाएको छ । संघीय निजामती ऐन नबन्दा संघ, प्रदेश र स्थानीय तहबीच कर्मचारी सरुवा, बढुवा, पदास्थपन, दरबन्दी सृजना तथा व्यवस्थापनमा समस्या पर्दै आइरहेको छ । ऐनको माग गर्दै कर्मचारीहरुले पटकपटक सरकारविरुद्ध आन्दोलन समेत गर्दै आएका छन् ।

हिजो बिहीबार मात्र मन्त्रिपरिषद बैठकबाट विधेयकलाई ससदमा बैठकमा दफावार छलफलपछि पारितका लागि पारित भएको छ । आज आयोजित कार्यक्रममा संघीय मामिला तथा सामान्य प्रशासन मन्त्री अनिता देवीले विधेयक छिट्टै संसदमा पेस हुने र पारित भएर लागू हुने आश्वसन दिएकी छन् ।

विधेयकमा आफूहरुको माग समेटिएको, स्थानीय तहका कर्मचारीलाई संघीय निजामतीको परिभाषामा नराखिएको र वृद्धि विकास लगायत विषय नपरेको भन्दै बाराको जितपुरसिमरा उपमहानगरपालिकाका कर्मचारीहरुले हातमा कालो पट्टी बाँधेर काम गरेका छन् । विधेयकका त्रुटिपूर्ण बुँदाहरु सच्याउन माग गरेका छन् ।

यो पनि पढ्नुहोस