बर्दिया कारागारबाट भागेका कैदीबन्दीकाे खोजी गर्न रेड कर्नर नोटिसकाे तयारी

२४ भदौ, काठमाडौं । बर्दिया सदरमुकाम कारागारबाट भागेका  ‘भाइ नाइके’ समेत रहेका कैदीबन्दी ३० वर्षीय अजित बुढा क्षेत्रीविरूद्ध प्रहरीले इन्टरपोलबाट रेड कर्नर नोटिस जारी गर्ने तयारी गरेको छ । 

क्षेत्री यही भदौ १७ गते राति २ बजे अन्य कैदीहरु निदाएको मौका पारेर उनी पर्खाल नाघेर फरार भएका थिए । तालिम प्राप्त कुकुरसमेत परिचालन गरेर खोजी गर्दासमेत क्षेत्रीलाई प्रहरीले पक्राउ गर्न सकेनन् । उनी छिमेकीको हत्या घटनामा कर्तव्य ज्यान कसुरमा जिल्ला अदालतबाट दोषी ठहर भई ३० वर्ष जेल सजाय काटिरहेका थिए । २०७२ फागुन ५ गते बेलुकी छिमेकी ५९ वर्षीय छिमेकी जोरासिंह थापालाई धारिलो हतियार प्रयोग गरी हत्या गरेको १९ वर्ष ११ महिना ६ दिन कैद तोकिएको थियो । त्यसमा पक्राउ पदार् प्रहरीलाई झुक्याएर भागेका थिए । पहिलोपटक फरार हुँदा लामो समय भारत बसेर नेपाल फकँदा २०७९ कार्तिक ११ मा पक्राउ गरी जेल जेलमा राख्दै आएका थिए ।

अदालतले भागेको कसुरमा डेढी सजाय थपिन गइ भागेको समेत जोडेर अदालतले ३० वर्ष कैद सजायको फैसला सुनाएको थियो । अजितविरूद्ध औपचारिक रूपमा इन्टरपोलबाट रेडकर्नर नोटिस जारी गर्ने प्रक्रिया थालेको जिल्ला प्रहरी कार्यालय बर्दियाले जनाएको छ । जेलर र फरार घटनाका बेला ड्युटीमा खटिएका ४ प्रहरीलाई कारबाहीको तयारी भएको पनि जनाइएको छ । 

प्रहरीले अजितको हुलिया र तस्बीर समेत प्रहरीले तयार पारेको छ । उनको दाहिने हातको नाडी नजिक सानो पेस्तोलको ट्याटु र दाहिने छातीको माथिल्लो भागदेखि कुमसम्म डमरूको ट्याटु रहेको, अन्दाजी ५ फिट ७ इन्चका उचाइ भएको र हिन्दी लबजमा नेपाली बोल्ने गरेको विवरण सार्वजनिक गरिएको छ । कैदी अजित नेपाल–भारत सीमा क्षेत्रको जंगलमा लुकेको आशंकामा कुकुरसहित भारतीय प्रहरीसँगकाे समन्वयमा  खाेजी गर्ने क्रममा रोज नामक तालिमप्राप्त कुकुर समेत मरिसकेको प्रहरीले जनाएकाे छ ।

भागेपछि अनुसन्धान गर्न   सहायक प्रमुख जिल्ला अधिकारी मोहनप्रसाद अर्यालको संयोजकत्वमा जिल्ला प्रहरी प्रवक्ता एवं डिएसपी हिक्मतबहादुर बोहोरा, प्रहरी वरिष्ठ नायब निरीक्षक प्रदीप कार्की, जिल्ला प्रशासनका प्रशासनिक अधिकृत लोकप्रसाद ढकाल र अनुसन्धान विभागका अधिकृत सम्मिलित छानबिन समिति समेत गठन गरिएकाे थियाे । समितिले जेलर कारागार प्रमुख सन्ताेष विक र अन्य चार प्रहरीलाइ कारवाहीकाे सिफारिस गरेकाे छ ।