सानेपा साहित्य महोत्सवमा बीपीसँग सेल्फी खिच्नेको भीड

२५ भदौ, काठमाडौं । नेपाली कांग्रेसले आयोजना गरेको बीपी साहित्य सम्मेलन अन्तर्गत सोमबार दोश्रो दिन पनि विभिन्न सत्रमा बहस भएकाे छ । बीपी साहित्य सम्मेलनकाे दाेस्राे दिन पनि आगन्तुकहरुकाे  उपस्थिति  उल्लेख्य नै रह्यो । महोत्सवको दोस्रो दिन ‘वीर गणेशमान’ चलचित्र प्रस्तुत गरियो ।

महोत्सव सुरु भएदेखि नै पार्टी कार्यालयको प्रांगाढामा आगन्तुकको उपस्थिति बाक्लाे छ । बीपी साहित्य सम्मेलनका मिडिया संयोजन इन्द्र रिजालका अनुसार बिहानैदेखि कांग्रेसीजन र निम्तालु आउने क्रम सुरु भएको थियो ।  

गणेशमाानको चलचित्रपछि सानेपामा आयोजित बीपी साहित्य महोत्सवमा ‘बीपीले नपाएका १५ वर्ष’ शीर्षकमा सोमबार दिउँसो एक घन्टा मन्थन भयो । महामन्त्री गगन थापाले सहजीकरण गरेको छलफलका वक्ता थिए– हरि शर्मा, विपिन अधिकारी, अच्युत वाग्ले र मञ्चला झा । बीपी कोइराला नेपालको पहिलो जननिर्वाचित प्रधानमन्त्री हुन् । उनी २०१५ मा प्रधानमन्त्री भएका थिए । तर २०१७ पुस १ मा तत्कालीन राजा महेन्द्र शाहले ’कू’ गरेपछि उनी पदमुक्त भए । त्यसका समय बीपी निर्वासन र जेलमा रहेका थिए । यही विषयमा विज्ञले मन्थन गरे । 

बीपीले पूर्ण कार्यकाल प्रधानमन्त्री चलाउन पाएनन् । उनले करिब १८ महिना शासन गरे । त्यसबेला केही विकासका कामकाज पनि सुरू भएका थिए । काम गर्ने हुटहुटी भएका बीपीले त्यसबेला १५ वर्ष सरकारमा रहेर काम गर्न पाएको भए नेपालको अवस्था अहिलेकोभन्दा फरक हुन्थ्यो कि उस्तै रहन्थ्यो ? यसबारे गगनले यो सेसनमा हरि शर्मा, विपिन अधिकारी, अच्युत वाग्ले र मञ्चला झासँग मनचन गरे । 

सो क्रममा वक्ताले देशमा बैकल्पीक शक्ति आएपनि अहिले पनि आस्था र विश्वासको केन्द्रविन्दु कांग्रेस भएको बताए । व्यवस्था फेरीसकेको भएपनि पार्टी र देशको अवस्था नफेरिएको उनीहरुले भनाइ राखे । मुलुकको व्यवस्थालाई लगन र निष्टासहित कार्यान्वयन गर्नुपर्नेमा जोड दिए । बिभिन्न प्रदेशमा कांग्रेस नेतृत्वको सरकार बनाएर स्थीरता दिन सक्ने सुभाव पनि उनीहरुको थियो ।  
 
यसैगरी पूर्वप्रधानमन्त्री डा. बाबुराम भट्टराई, प्रदीप ज्ञवाली र डा. नारायण खड्का लगाएतको उपस्थीतिमा ‘अन्तर्राष्ट्रिय राजनीति र कूटनीतिमा बीपी’ विषयमा छलफल भयो । बीपी कोइरालाको ११० औं जन्मोत्सवको अवसरमा कांग्रेस केन्द्रीय कार्यालय बीपी नगर सानेपा ललितपुरमा तीनदिने महोत्सव आयोजना गरिएको हो । यो सेसन पत्रकार सुधिर शर्माले चलाएका थिए । 

महोत्सवको बीचबीचमा सांगितिक कार्यक्रम पनि मिसाइएकाे थियाे । महोत्सवको आकर्षण भने बीपीसँग सेल्फी खिच्नेको थियो । महोत्सवको पहिलो गेट अगाडी नै सेल्फी प्वाइन्ट भनेर कुर्चीमा बसेका बीपीको चीत्र राखिएको छ । त्यसमा आगन्तुकहरुले बीपीसँग अन्तरर्वार्ता लिए जसरी सेल्फी खिच्नेको भीडभाड लागेको थियो । त्यहाँ पुगेका सबैले सेल्फी खिचेका छन् । 

गेटबाट भित्र पसेपछि पहिले कांग्रेसको लागो अंकित टिसर्ट र कलमहरू राखिएका छन् । यी बिक्रीमा राखिएका हुन् । एउटा टिसर्ट किन्नेले लोगो भने फ्रिमा पाउँछ । नजिकै बीपीसहित विभिन्न साहित्यकारले लेखेका पुस्तकहरू राखिएको छ । पुस्तकप्रति अभिरुची हुनेहरुको त्यहाँ पनि भिड नै छ । पुस्तक किन्ने भन्दा हेर्नेहरुको बढी भीड देखिन्थ्यो ।  

महोत्सव स्थलमा २००७ सालको क्रान्तिमा प्रयोग गरिएको तोप राखिएको छ । यो तोप पनि फोटो प्रेमीका लागि आकर्षक छ । तोपसँग फोटो खिच्ने र भिडियो बनाउनेहरु पनि बाक्लै देखिन्थे । दायाँपटि माथिल्लो भागमा २००७ सालमा हाइज्यक गरिएको जहाज पनि राखिएको छ । यसप्रति पनि मानिसको भिड नै लागेको थियो ।  

सुरुमै गेटबाट भित्र प्रवेश गर्दा सुरक्षाकर्मीको चेकजाँच हुन्छ । भित्र छिरेपछि पहिलो लहरै राखिएका पुस्तिकामा नाम लेखाइन्छ र भित्र प्रवेश हुन्छ । प्रवेश मार्गको दाँयाबाँया भित्तामा बीपीसँग सम्बन्धित फाेटाहरु भित्ताको परैसम्मको लाइनमा राखिएको छ । यी दुवै लहरमा राखिएका फोटामाथि पनि अवलोकन गर्नेहरु प्रशस्तै भेटिन्छन् । 

कार्यक्रमको सेनस अनुसार विभिन्न व्यक्तिहरूलाई जिम्मा दिएको छ । आफूले पाएको जिम्मेवारी अनुसार स्वयम सेवकहरुले व्यवस्था मिलाउने गरेका छ । प्रेस सेन्टर छुट्टै बनाइएको छ । वक्ता बस्ने स्थल र आगन्तुक बस्ने कुसीहरु मिलाएर राखिएका छन् । छतमा बाँधेर उडाइइको ठूलो आकारको बेलुन पनि त्यहाँ पुग्नेका लागि आकर्षण भएको छ । 

पुरानै ठाँउमा क्यान्टिन छ । विभिन्न विधामा खटिएका स्वयम सेवकहरुको लागि खाना र नास्ताको व्यवस्था छ । कुपन सिस्टमबाट खाना र खाजाको व्यवस्था मिलाइएको छ । आगन्तुकहरुले पनि पैसा तिरेर खान पाउँछन् । बीपी महोत्सवको दोस्रो दिन सेल्फी खिच्ने र वरपरको अवलोकन गर्ने भन्दा वक्ताहरूले बीपीका विषयमा राखेका धारणाहरू चाख मानेर सुन्नेहरू पनि प्रशस्तै भेटिएका थिए ।