त्रिभुवन विमानस्थल बाहिर एक किलो सुन बरामद

२६ भदौ, काठमाडौं । त्रिभुवन अन्तर्राष्ट्रिय विमानस्थल बाहिर १ किलो सुन बरामद गरिएको छ । सोमबार दिउँसो काठमाडौं प्रहरी परिसरको टोलीले १ किलो सुनसहित केही व्यक्तिलाई पक्राउ गरेको छ । सुन पक्राउनबारे प्रहरीले अनुसन्धान चलिरहेको भन्दै थप केही खुलाइएको छैन । 

गत साउन २ गते त्रिभुवन विमानस्थलको भन्सार जाँच पार गरेको भित्रिएको ६० केजी सुन राजस्व अनुसन्धान विभागको टोलीले पक्राउ गरेको थियो । त्रिभुवन अन्तराष्ट्रिय विमानस्थल बाहिर प्रहरीले अवैध रुपमा ल्याएको सुराकका आधार सुन बरामद गरेको हो । 
 
सोमबार दिउँसो प्रहरीले गरेको अपरेसनमा सुन सहित केही मानिसलाई नियन्त्रणमासमेत लिएर अनुसन्धान गरिरहेको बताइएको छ । यसमा केही केही मानिस फरार भएकोले पक्राउ गरिएको व्प्यक्तिलाई सार्वजनिक नगरिएको प्रहरी स्रोतले बताएको छ । विदेशबाट ल्याएको सुन प्रहरीले बरामद गरेको हो ।