त्रिभुवन विमानस्थलबाट मलद्वारमा लुकाएर ‘सुन तस्करी’ गर्ने गिराेहका ३ जना पक्राउ

२६ भदौ, काठमाडौं । त्रिभुवन अन्तर्राष्ट्रिय विमानस्थलबाट सुन तस्करी गरेको आरोपमा प्रहरीले एक युवकसहित ३ जनालाई पक्राउ गरेको छ । सोमबार दुबईबाट हिमालयन एइलाइन्समार्फत आएका काभ्रेका २८ वर्षीय बाबुलाल दोङलाई सुनसहित जिल्ला प्रहरी परिसर काठमाडौंको विशेष टोलीले पक्राउ गरेको हो । 

तामाङले मलद्वारमा लुकाएर एक केजी सुन ल्याएको अवस्थामा पक्राउ गरिएको दाबी छ । तामाङ पक्राउपछि गरिएको अनुसन्धानका क्रममा काभ्रेकै रोशीका ३३ वर्षीय जगत लामा र ३६ वर्षीय मिङ्मा दोर्जे स्याङ्तानलाई पनि पक्राउ गरिएको छ । 

यसअघि सोही विमानस्थल भएर गत पुष १० मा विद्युतीय चुरोट (भेप) बनाएर ९ केजी र गएको साउन २ मा गाडी र मोटरसाइकलको ब्रेकशु बनाएर ६० केजी सुन तस्करी भएको थियो ।

दुवै घटनामाथि अहिले प्रहरीको केन्द्रीय अनुसन्धान ब्यूरो (सीआईबी)ले अनुसन्धान गरिरहेको छ । ब्रेकशु मार्फत भएको तस्करीमा ३० जना पक्राउ परेका छन् । भेपमार्फत तस्करीमा एक जना पक्राउ र एक जनालाई तारेखमा राखेर बयान लिइएको छ । तस्करीको चुरो पत्ता लगाउन सीआईबीले हङकङ, भारतमा टोली पठाएर अनुसन्धान जारी राखेको छ ।

यो पनि पढ्नुहोस