समायोजनबाट सेनामा गएका सहायक रथी अधिकारीको पदावधि ३ वर्ष थप

२ असोज, काठमकाडौं । तत्कालीन सेना समायोजन प्रक्रियाबाट नेपाली सेनामा गएर सहायक रथी दर्जामा रहेका यामबहादुर अधिकारीको पदावधि ३ वर्ष थप्ने निर्णय गरिएको छ ।

शुक्रबार बसेको मन्त्रिपरिषद्को बैठकले अधिकारीको पदावधि ३ वर्ष थप्ने निर्णय गरेको हो । उनी माओवादीको सेनाबाट नेपाली सेनामा समायोजन भएका हुन् । सेनामा समायोजन हुँदा उनले महासेनानी (मेजर)को दर्जा पाएका थिए ।

असोज १ गतेबाट अवकाशमा जान लागेका अधिकारीको पदावधि थप भएको सेनाको जनसम्पर्कका निर्देशनालयले जनाएको छ । रक्षा मन्त्रालयबाट सहायक रथी अधिकारीको पदावधि थप भउको जानकारी सहितको पत्र नेपाली सेनालाई प्राप्त भएको जनाएको छ । 

२०७६ असोज १ मा सहायक रथिमा बढुवा भएका धादिङको मार्पाक घर भएका सहायक रथी अधिकारी हाल वन तथा पर्यावरण सुरक्षा निर्देशनालयको निर्देशक रहेका छन् ।