संविधान दिवसमा प्रभातफेरीमा कर्मचारी सहभागी नभएपछि नगरप्रमुख आक्रोशित

३ असोज, काठमाडौं । संविधान दिवसको अवसरमा बुधबार महोत्तरीमा हर्षोल्लासका साथ स्थानीय तहले प्रभातफेरि कार्यक्रम गरेका छन् । नागरिक समाज, संघ संस्थाहरु, राजनीतिक दलहरुलाई सहभागी भएर निकालिएको प्रभातफेरि कार्यक्रममा उत्साहजनक उपस्थिति थियो ।

प्रभातफेरिपछि भएको कोणसभामा बोल्दै वक्ताहरुले जनताको लोकतान्त्रिक अधिकार स्थापित गर्न यो संविधान नै उत्कृष्ट भएको धारणाा राखे । बर्दिवास नगरपालिकाका नगरप्रमुख प्रल्हादकुमार क्षेत्रीले कोणसभालाई सम्बोधन गर्दै संविधान दिवसलाई कालो दिवसकोरुपमा मनाउन उक्साउने केही मधेशवादी दलहरुप्रति कटाक्ष समेत गरे ।

‘जनताको हकअधिकार सुनिश्चित गर्न आवश्यक परे संविधान संशोधन गरेर अगाडि बढ्न सकिने उनले बताए । उनले संविधान दिवस जस्तो महत्त्वपूर्ण दिनमा विदाका नाममा घरमा नै बस्ने कर्मचारीहरुप्रति नगरप्रमुख क्षेत्रीले आक्रोश समेत व्यक्त गरे । उनले संविधान दिवस मनाउन दिएको विदालाई कर्मचारीले दुरुपयोग गरेको आरोप लगाए ।

संविधान दिवसमा सहभागी भएर हर्षोल्लास बढाउन कर्मचारीलाई काममा छट्टी दिएको र घरमा बसेर कार्यक्रममा सहभागी नहुनु राम्रो संकेत नभएको उनको भनाइ छ । संविधान आन्दोलन र बलिदानको उपज भएको उनले बताए । दिवसमा सहभागी नहुने आन्दोल र बलिदानको अपमान भएको बताए ।