अब प्रतिदिन २० केजी सुन आयात गर्न पाइने

 

५ असोज, काठमाडौं । नेपाल राष्ट्र बैंकले सुन आयात कोटा बढाएको छ । यो नयाँ निर्णयसँगै अब दैनिक आयात गरिने सुनको कोटा दोब्बर बनाइएको छ ।  राष्ट्र बैंकको निर्णयसँगै अब वाणिज्य बैंकहरुले प्रतिदिन २० केजी सुन आयात गर्न पाउने भएका छन् ।

यसअघि दैनिक १० केजी सुन आयात हुँदै आएको थियो । तर राष्ट्र बैंकले कोटा वृद्धिको निर्णय परिपत्र भने गरिसकेको छैन । सरकारको सिफारिसमा बजारमा सुनको आपूीर्त सहज बनाउन बैंकले यस्तो निर्णय गरिएको जनाएको छ । 

उद्योग वाणिज्य तथा आपूर्ति मन्त्रालयले सुनको आयात कोटा बढाउने निर्णय गर्दै कार्यान्वयको लागि राष्ट्र बैंकलाई पत्रचार गरेको थियो । वाणिज्य बैंकहरुले दैनिक २० किलो सुन आयात गर्न पाउनेमा २२ फागुन २०७८ मा नेपाल राष्ट्र बैंकले एक परिपत्र जारी गर्दै सुन आयातको दैनिक कोटा १० किलोमा झारेको थियो ।