सन्दीप लामिछानेविरुद्धको बलात्कार मुद्दामा फेरि सर्याे अन्तिम सुनुवाइ

७ असोज, काठमाडौं । क्रिकेट राष्ट्रिय टोलीका सदस्य सन्दीप लामिछानेविरुद्ध जिल्ला अदालत काठमाडौंमा चलिरहेको बलात्कारसम्बन्धी मुद्दा आज पनि स्थगित भएको छ । मुद्दाको अन्तिम टुंगो लगाउन सुनुवाइको पेसी तोकिए पनि न्यायाधीश अभावका कारण मुद्दा पेसीमा चढेन । मुद्दाको अर्को पेसी अब कहिले तोकिन्छ भन्ने टुंगो छैन ।

न्यायाधीश अभावको कारण देखाउँदै सुनुवाइ नगरिएको हो । लामिछानेविरुद्ध २०७९ कात्तिक १४ गते जिल्ला अदालत काठमाडौंमा जबरजस्ती करणीको मुद्दा दायर भएको थियो । उक्त मुद्दाको अन्तिम टुंगो लगाउन बाँकी छ । उनविरुद्ध २०७९ भदौ गते राति नुवाकोटकी एक किशोरीलाई काठमाडौंको पिंगलास्थानस्थित होटल इनमा पुर्याएर रातभर बलात्कार गरेको अभियोग छ ।

लामिछाने चीनको हाङचउ शहरमा जारी एसियाडका नेपालको तर्फबाट प्रतियोगितामा भाग लिने टोलीमा समावेश गरिएको छैन । टोलीलाई आजै मात्र क्यानका अधिकारीहरुले बिदाई गरेको छ । टोलीको कप्तान रोहित पौडेलले गरेका छन् । अभियोग लाग्नुअघि टोलीको कप्तान लामिछाने थिए । अभियोग लागेसँगै उनीहरु कप्तानबाट निलम्बनमा छन् । पछि सदस्य कायम गराएर क्यानले उनलाई राष्ट्रिय टोलीबाट राष्ट्रिय अन्तर्राष्ट्रिय खेलमा समावेश गर्दै आइरहेको छ । 

अभियोगमा चलाइएको मुद्दामाथि प्रारम्भिक सुनुवाइपछि काठमाडौं जिल्ला अदालतका पुर्पक्षका लागि जेल चछलाउन गरेपनि उच्च अदालत पाटले २० लाख धरौटी लिएर केही सर्तसहित थुनाबाहिर रहेर मुद्दा लड्न पाउने सुविधा दिएको थियो ।

उनीविरूद्ध नुवाकाेटकी एक किशाेरी (परिवर्तित नाम गाैशाला २६)लाइ २०७९ भदाै ५ मा काठमाडाैंकाे पिंगलास्थानस्थित हाेटल काठमाडाैं इनमा पुर्याएर रातभर बलात्कार गरेकाे मुद्दा छ । जुन मुद्दामा अन्तिम फैसला हुन बाँकी छ ।

यो पनि पढ्नुहोस