बाजुरामा मिनी ट्रक दुर्घटना हुँदा ३ जना घाइते, चालकको अवस्था गम्भीर

७ असोज, काठमाडौं । सुदूरपश्चिम प्रदेशको पहाडी जिल्ला बाजुरामा आइतबार मिनी ट्रक दुर्घटना हुँदा ३ जना घाइते भएका छन् । जिल्लाको जगन्नाथ गाउँपालिका–३ कर्णाली करिडोर अन्तर्गत बेर्नामा आज बिहान मिनी ट्रक दुर्घटनामा परेको थियो । 

सुर्खेतबाट खाद्यान्न बोकेर हुम्लातर्फ जाँदै गरेको कर्णाली प्रदेशको ०२–००१६– ०५५७ नम्बरको मिनी ट्रक दुर्घटना भएको प्रहरी कार्यालय बाजुराले जनाएको छ । ट्रक सडक खण्डबाट करिब डेढ सय मिटर तल खसेको प्रहरीले बताएको छ ।

 घाइतेमध्ये चालक दैलेखको आठबिस नगरपालिका–४ का करिब ३६ वर्षीय देवीराम सिजापतीक अवस्था गम्भीर रहेको जनाइएको छ । सह–चालक दैलेखको दुल्लु नगरपालिका–२ का १८ वर्षीय अर्जुन विक र जाजरकोट वीरेन्द्रनगर नगरपालिका–१२ का करिब २२ वर्षीय मोहन घर्तीमगर घाइते भएका छन् । उनीहरुको कोल्टी प्राथमिक स्वास्थ्य केन्द्रमा उपचार भइरहेको जनाइएको छ ।