बिरामीको मृत्युपछि आफन्तद्वारा मणिपाल अस्पतालका चिकित्सकमाथि आक्रमण

८ असोज, पोखरा । उपचाररत बिरामीको मृत्यु भएपछि आफन्तले अस्पतलाका चिकित्सकहरुमाथि आक्रमण गरेका छन् । अहिले अस्पताल परिसरमा तनाव बढेको छ । भीड लागेकाे छ ।

असहज महसुस भएको भन्दै लमजुङकी ५७ वर्षीया सुकमाया दुरालाई उपचारका लागि अस्पताल ल्याइएका उनको मृत्यु भएको थियो । 

सामान्य अवस्थामा ल्याइएका बिरामीको मृत्यु चिकित्सकको लापरवाहीले भएको मृतकका आफन्तको भनाइ छ । अस्पतालमा राखिएका बिरामीबारे दिनभर केही नबताएर चिकित्सकले एक्कासी मृत्युको खबर सुनाएको उनीहरुको भनाइ ।

आक्रोशित आफन्तले अस्प्तालमा तोडफोड समेत गरेका छन् । सुरक्षाका लागि अस्पतालमा धेरै संख्यामा प्रहरी तैनाथ गरिएको छ । अस्पताल प्रशासने घटनाबारे केही बताएको छैन । आक्रमणबाट कति चिकित्सक घाइते भए भन्नेबारे पनि केही बताएकाे छैन ।

आफन्तले भने घटनाका दाेषीमाथि कारवाही नभएसम्म शव नबुझ्ने बताएका छन् । यसअघि मकवानपुरकाे हेटाैंडास्थित सन्चाे अस्पतालमा बिरामीकाे मृत्युलाइ लिएर चिकित्सकमाथि आक्रमण गरेका थिए । जसमा प्रहरीले ७ जनालाइ पक्राउ गरी अनुसन्धान गरिरहेकाे छ ।