भ्रष्टाचारी ठहर भएका पूर्वमन्त्री श्रेष्ठलाई ६ महिना कैद हुने, ९८ लाख बिगो र सोही बराबर जरिवाना

८ असोज, काठमाडौं । गैरकानुनी सम्पत्ति आर्जनको मुद्दामा पूर्वमन्त्री रामकुमार श्रेष्ठसहित ३ जनालाई दोषी ठहर भएका छन् । सोमबार विशेष अदालतका सदस्य यमुना भट्टराई र खुशीप्रसाद थारूको संयुक्त इजलासले उनलाई दोषी ठहर गरेको हो ।

श्रेष्ठले ४ करोड ४५ लाख २७ हजार ६६८ रूपैयाँ गैरकानुनी रुपमा आर्जन गरेको भन्दै अख्तियार दुरुपयोग अनुसन्धान आयोगले गैरकानुनी सम्पत्ति आर्जनको २०७८ फागुन १५ मा विशेषमा मुद्दा दायर गरेको थियो । उक्त सम्पतिमध्ये ८ लाख बिगो र सोही बराबर जरिवाना हुने ठहर भएकाे छ । साथै ६ महिना कैद हुने भएकाे छ ।

पूर्वमन्त्री श्रेष्ठ २०७० सालमा तत्कालीन प्रधानन्यायाधीश खिलाराज रेग्मीको नेतृत्वमा गठित चुनावी सरकारमा मन्त्री थिए । त्यति बेला उनले पर्यटन, शान्ति तथा पुनर्निर्माण र युवा तथा खेलकुद गरी तीन वटा मन्त्रालय सम्हालेका थिए । 

उनीसँगै अन्य अवकाश पाइसकेका २ जना कर्मचारी पनि भ्रष्टाचारी ठहर भएका छन् ।