बसको ठक्करबाट सशस्त्र हवल्दारको ज्यान गयो, फरार बसचालक पक्राउ

१० असोज, काठमाडौं । गाडीको ठक्करबाट बैतडीमा एक सशस्त्र प्रहरी हवल्दारको ज्यान गएको छ । बाजुराबाट घर आइरहेका महरालाई दशरथचन्द राजमार्गअन्तर्गत हरिचन मोडस्थित सुदूरपश्चिम यातायातको ना ८ ख ७९७० नम्बरको बसले आज बिहान ठक्कर दिँदा हवल्दार नरेन्द्रसिंह महराको ज्यान गएको हो । 

नगरपालिका–८ हरिचनका महरा सशस्त्र प्रहरी बाजुरास्थित आश्रित गुल्ममा कार्यरत थिए । बसको ठक्करबाट उनको घटनास्थलमै मृत्यु भएको प्रहरीले जनाएको छ । ठक्कर दिएर फरारर बसका चालक कञ्चनपुरको पुनर्वास नगरपालिका–१ घर भएका जनकराज गिरीलाई नियन्त्रणमा लिएको प्रहरीले जनाएको छ । 

ठक्कर दिने बस चालकलाई कारवाही र मृतक पविारलाई उचित क्षतिपूर्ति दिन मृतकका आफन्त र स्थानीयले दशरथचन्द राजमार्ग अवरुद्ध पारेका छन् । राजमार्ग हृँदै जावतजावत हुने सवारी प्र्रभावित भएका छन् ।