मुख्यमन्त्री यादवलाई कालोमोसो दल्ने धम्की दिने आयुर्वेदिक चिकित्सक झा रिहा

११ असोज, काठमाडौं ।  मधेशका मुख्यमन्त्री सरोजकुमार यादवलाई कालो मोसो दल्ने धम्की दिएको आरोपमा पक्राउ परेका चिकित्सक अरुण झा रिहा भएका छन् । गल्ती स्वीकार गरेपछि उनलाई बिहीबार रिहा गरिएको हो । 

चिकित्सक झाले समाजिक संजालमामा मुख्यमन्त्री यादवलाई मेन्सन गर्दै कालोमोसो दल्ने धम्की सहित सन्देश राखेका थिए । सोपछि मुख्यमन्त्री यादवको मौखिक उजुरीमा प्रहरीले सद्भाव बिथोल्न खोजेको कसुरमा अनुन्धासनका लागि झालाई मंगलबार पक्राउ गरेर थुनामा राखिँदै आएकाे थियो ।

गल्ती स्वीकार गरेर आइन्दा गल्ती नदोहोर्याउने प्रतिवद्धता जनाएपछि कागज गराएर रिहा गरिएको जिल्ला प्रहरी कार्यालयले जनाएको छ । झन आयुर्वेदिक चिकित्सक हुन् ।

गत हप्ता सर्लाहीको मलंगवामा गणेशको मूर्ति सेलाउने क्रममा स्थानीय हिन्दू र मुस्लिम समुदायबीच झडप भएको घटनामा मुख्य मन्त्री यादवले सद्भाव बिथोल्ने तत्व सक्रिय रहेको र तिनलाई गोली हान्ने चेतावनी दिएका थिए । सो अभिव्यक्तिलाई लिएर झाले कालोमासो दल्ने सन्देश पोष्ट गरेको बताइन्छ ।

सन्देशलाई लिएर यादवले टेलिभित्र र रेडियो अन्तवार्तामा आफूलाई ज्यानको धम्की आएको र तिनलाइ सुरक्षाकर्मीले नदेखेझै गरेकाे आराेप लगाउँदै आपत्ति जनाएका थिए । उनले प्रदेशको मातहत अर्थात आफ्नो हातमा प्रहरी संयन्त्र भए प्रदेशका अशान्त फैलाउन खोज्ने र भ्रष्टाचारी, तस्करलाई ‘ठीक पार्ने’ अभिव्यक्ति दिँदै आएका छन् ।