जनमतले गठबन्धन र एकीकरण नगर्ने, अध्यक्ष राउत मन्त्रीमा नजाने

११ असोज, काठमाडौं । सिके राउन नेतृत्वको जनमत पार्टीले आगामी दिनमा कुनैपनि पार्टीसँग गठबन्धन नगर्ने नीति लिएको छ । संघीय सरकार र प्रदेश सरकारमा सहभागी सो पार्टीले तत्काल कुनै पनि पार्टीसँग एकीकरण पनि नगर्ने भएको हो । 

आगामी निर्वाचनलाई लक्षित गर्दै ‘मिसन–२०८४’ अभियान सुरु गरेको जनमतले पार्टीलाई देशभर स्थापित गर्न संगठन निर्माणलाई तीव्रता दिएको सो पार्टीका प्रवक्ता डा. शरदसिंह यादवले बताए । 

पार्टीको आगामी रणनीतिबारे आज सञ्चारकर्मीसँग अन्तक्र्रिया गर्दै प्रवक्ता यादवले पार्टी बन्दै गरेको अवस्थामा आगामी निर्वाचनलाई लक्षित गरेर वडा तहदेखि नै संगठन निर्माणमा केन्द्रित हुने बता । उनले आफूहरू सत्ता गठबन्धनमा रहेको तर, अब आउने निर्वाचनमा कुनै पनि चुनावी गठबन्धन नगरी पार्टीले एक्लै प्रतिस्पर्धा गर्ने स्पष्ट पारे । 

पार्टी अध्यक्ष राउत सरकारमा मन्त्री बन्नेबारे राखेको जिज्ञासामा प्रवक्ता यदावले आगामी निर्वाचनमा केन्द्रित भएर संगठन निर्माणमा बढी खट्नुपर्ने भएकाले अध्इष मन्त्री नबन्ने बताए । उनले आगामी चुनावबाट मधेश र लुम्बिनी प्रदेशमा पार्टीले एकल बहुमतको सरकार बनाउने दाबी समेत गरे । उनले केन्द्र सरकारमा पनि एउटे पार्टीको सरकार हुनुपर्ने बताए ।